2. August z’ Morgä

Scho gester hei d’ Regula und ich überleit wo mir am 2. August gö go z’ Mörgälä.
Wei mir uff Zurzi zum Leutwyler, oder uff Pfungä is Dorfkafi, oder wei mir üsä Picknik-Chorb packä und irgendwo am Waldrand ?

Am Sunntig morgä wo mir usä gluäget hei, und nur ‘grau’ gseh händ isch klar gsi das mir sicher nöd dä Picknik-Chorb packet ! Und so hei mir üs entschiedä das mir is Dorfkafi uff Pfungä wänd. Über Zweidlä, Eglisau, Flaach si mir obä durä am Irchel verbii, und sind det wo mer vor jahrzehnt mal gfunket händ (Turi, Kiboko und Stevie und ich) mit dä Mira go laufe.
Ziemlech gnau am 9i sie mir dänn im Dorfkafi gsi. Da hei mir dänn dä z’ Morgä gno.

2. August 'z Morgä im Dorfkafi 'z Pfungä

Üse entscheid dussä sitze isch gut gsi, het sich der Näbel doch glichtet und dä Sunne Platz gmacht !
Wo mir dä z’ Morgä i gno hei gha, si mir uff dä Brüttemer.
Det wo mir frühner einigi Funkerlebinss gha händ, zum Reservoir. Das isch jetzt einiges grösser !

S' neu Reservoir uff em Brüttemer

Grad näbe dra isch scho gschäftigs Tribä gsi, anschienend het da gester ä 1. August Fiir stattgfunde, wo jetzt het müesse uffgrummt werdä.
Schliesslich si mir dän au uff’s Reservoir go luege :

Uff em Reservoir

Da hets jetzt au einiges meh Platz, und es wär keis Problem es Zält uff ‘z stellä !
S’ het ja scho bald es chlises Fästzelt Platz !Während ich no es QSO über dä Gateway Iddaburg gführt ha, isch d’ Regula mit dä Mira no mal schnäll go laufe.

Spöter si mer de zum Turi in Schopf gange, und dänn wieder Hei !

Isch uff all Fäll en schöne Tag gsi !


Hinterlasse eine Antwort

Deine E-Mail-Adresse wird nicht veröffentlicht. Erforderliche Felder sind markiert *

Du kannst folgende HTML-Tags benutzen: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>