En bsundere Tag

Hüt am Morgä bin ich mit em Aschi scho am halbi sächsi uffgstande und ha dänkt das er sich dra erinneret was hüt für en bsundere Tag isch ?
Aber so wies uusgseht weiss das nimmer, dänn mini Mitbewohner händ uff hüt “Holzä” a gseit.
So bin ich dänn ebä min Spaziergange mit dä Regula und em Aschi go mache, darf eui gar nüd säge was ich da scho alles erschnüfflet ha. Wo mir wieder hei cho sind händi si d Vorbereitigä troffe zum “Holzä”. U glii druff abe isch ‘s Holz gliefert worde, ich cha Eu säge die Motorsagi isch dä nöd grad lislig, aber ich muess doch luege das sie alles rächt mached. Drum han ich mich i dä nöchi anegleiht, und glii druf abe ussgseh wie es panierts Schnitzel :

Ich, d' Mira a mim 9te Geburtstag guet parniert

Ohh ja es panierts Schnitzel, wenn i nu scho dra dänke lauft mer ‘s Wasser im Muul zäme.
Genau wie isch das scho wieder gsi ? Immer nach em “Holzä” git’s doch Älplermakaroni, uhh die sind au fein. Mal luege viellicht dänkets dänn auch a mich ?
Wo mer fertig gsi sind, und wieder is Huus ie sind, hets uff all Fäll scho sehr gut gschmöckt !

U de het ‘d Regula verzehlt das vor e Kollegin, wo eini minere Schwöster sis dehei gfundä het, e Nachricht mit Geburtstagswünsch iitrofe isch. Aber nid für sich sondern ebe für mich. Und jetzt wüssed hoffentlich all deihei das ich hüt 9 Jahr alt wird und das für mich en bsunder Tag isch :-P

Ich ha scho mal es paar Häppli vo de Älplermakaroni übercho, vor allem Servelat und Teigware, uhhh sind die guet.

Mal luege was hüt no so lauft…


Kommentare

En bsundere Tag — 1 Kommentar

  1. So genial, ha vom Aschi hüt Abig no es Geburipäckli übercho.
    Das öpis guets drinn isch han ich natürli schnäll gwüsst, drum ha ich au grad agfange uuspackä :

    I schmöckes, da isch öpis feins drinn

    Bin doch no relativ lang dra gsi bis ich das Ding us packt ha gha :

    Ändlech han ich das Päckli uuspackt !

    Dankä viel mal ;-)

Hinterlasse einen Kommentar zu Mira Antworten abbrechen

Deine E-Mail-Adresse wird nicht veröffentlicht. Erforderliche Felder sind markiert *

Du kannst folgende HTML-Tags benutzen: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>